ისტორია

 თბილისის ცირკი აშენებულია გასული საუკუნის ორმოციან წლებში. და დაარსებიდან  75-ე წლისთავს ითვლის. თავისი არქიტექტურით, ადგილმდებარეობით, აღჭურვილობითა და ტექნიკური დონით თბილისის ცირკი ერთ - ერთი საუკეთესოა არა მარტო პოსტსაბჭოურ სივრცეში, არამედ მთელს მსოფლიოში. მის სცენაზე აღიზარდნენ და გამოდიოდნენ მსოფლიოს დონის ცნობილი საცირკო ვარსკვლავები , დამსახურებული და სახალხო არტისტები.

 დღეს თბილისის ცირკი კერძო სამართლის იურიდიული პირია.   ცნობილი ქართველი ბიზნესმენის და მეცენატის ბადრი პატარკაციშვილის  უშუალო ძალისხმევით 2003 წელს განხორციელდა შენობის სრული კაპიტალური შეკეთება, ხოლო 2011 წელს მიმდინარე რემონტი , რის მეშვეობითაც თბილისის ცირკი შენარჩუნებული იქნა ამ სახით როგორადაც დღეს გამოიყურება და ბავშვებისა და მოზარდების თავშეყრის საყვარელ და სასურველ ადგილად, დედაქალაქის ერთ - ერთ წამყვან  კულტურულ კერად  ჩამოყალიბდა.

 ცირკი, ბავშვთა და მოზარდთა სადღესასწაულო ცენტრთან, სკვერები მარადმწვანე ნარგავებით, საბავშვო ატრაქციონებით და კვების ობიექტებით შესანიშნავ კომპლექს ქმნის  ბავშვების, მოზარდებისა და ახალგაზრდების თავისუფალი დროის სწორად ორგანიზების, მათ სულიერი და ზნეობრივად სწორად აღრზდის თვალსაზრისით.